Ali KILINC
Nivıseke seweta Nuh Nebi nivişiyayiye –Qur-an (Hüd
süresi/ayet25-49)’e ve jov purtuk’eke hete Alimdar’e
İslamora nivişiye, seweta Nêbena Nuh nıvıse henen
nıvışiyeke caye xuk zof gırano, nuk yeno a maneke.!
Nêbe’na Nuh sero sık çıno.Juk Nuh Qur-an’de Araf, Mümnün,
Şuara, Ankebut, Qhamer ve juk sürake name Nuh Nêbi’ra
nivişiya. Na süre’de Nuh Nêbi sero derga-derg niviş
nivişiye. Juk çiyore bin estoke, Qur-an(Ankebut
süresi-ayet 14 )’ede 1000 serera 50 sere kêm; Tevrat(Takvim
Bap 9/ Ayet 29)’ tek nivişiyoke 950 Sere weşiya xu
ramıtaç. Heto binräk Qur-an’ede qale rozo ve asmo
nikerdo, hato binrak kamıj Koy sero menda wuk araze niyo.
Qur-an(Hut süresi/ Ayet 44)’ede nivişiyoke xuwe’ke
onciya Gemiya Nuh Nebi Koye Cudi ser menda, Tevrat(
Takvim Bap 8/ Ayet 4)’dek Koye Ararat sero menda?
BINGE GERM VE ROZE
Bınge na Germ ve Roze Nuh Nebi’ra yeno, qeseeke hatawo
na roze werte Homeda Tolıv’ide qesey biye ; Mılete dorme
Kabil ve Şit’ke ame pêyser cıra Mılet’ore xıravın vejiyo,
na mılet gosro Nuh nido .! Naye sero Nuh, na hal mezal
Haq’re ardora zo. Haq’ik Nuh Nebi’ra vatoke!! Na Mılet’o
xıravıno niane eve xuwe telef ken; Nuh’räk vake xore ju
Gemiye vıraze. Nae sero Nuh, Haq cırake savato, Dar
bereke este eve dino xore zu Gemiye vırasta,vatena Haq
arda hurend. Nuh eve hazetoke gemiye vırasta, Hometa
deyk cıra vato; Vırende Nebi’bi, nıkak biyo xızarcı,
seweta Gemiyek vato nae mare hên yenoke hard sero finera
rae, pê Nuh yaraniye kerda. Nuh ver pêe Gemiye berdora
Dik, lesek berdera şene teyr.
Nuh Nebi Gemiye nia vırasta, qate bin seweta heyvanone
pilo, qate diyine seweta pêra xu vırasta, qate hireyinek
seweta teyr, tüyr vırasta. Çıra lewe Şer’de heyvane pil,
lewe Werg’de Miye, lewe Heli’dek Gorgoçine. Heywaneke
zere Gemiye’dere kes zuminre towe nikerdo! Çıke Haq
hariya dino cıra gureta, çı heyvaneke zere Gemiyedere
pero tê dustaye. Haq amayena tufanira ave nisanore niane
dayve Nuh,cıra vato zere tendırede xuwe’ke giriye
bızoneke amayena tufan nejdiya. Nae sero Haq Nuh’rake
savato! Vatena dey eve bê kêmiye ardo hurend. Na dınyade
heywaneke estê dino pörünora çıft kerde zere Gemiye,
dımak çiye werdene hem İson’i re hemik heywanire çıke
luzumkeno wu gureto zere,dımak çond gulke estê yi kotê
zere.
Nuh deftere Haq’ra gore, heywano pörünora ju mae, juk
nêr çıft, çıft eve alefe dino guretiv zere. Nuh ve
hermeta xu Viyal’e, Sam, Ham, Yafet eve na namora hire
laze xu benê, na hire laze xuk zewejaye benê eve veyvone
xu heşt gule, seke kune zere, naede Hewr’o guretode her
ca biyo tengo tari Siliye hênke vore ji bıroso verdiyede,
bıne hardarak xuwe giriye, cer ve cor’ra xuyke restê pê,
cae hardo şa ni mendo, rie Dina’de çıke biyo pöro telef
biye, xerja Gemiyera. Gemiya Nuh’ik khewtera xuwe ser.
Peniyede Nuh Nebi’ke emır da xuwe onciye, nae sero
xuweke onciye “Moresere’ra (tür.takvim)” gore hote asma
muharem’ide tufan qedino. Gemiye Nuh Nebi endi xuwe ser
niya hard sera. Naede Nuh gemiyera hira ve hira niadano,
çare zu cereviyayiste vineno.Raa virene Qilancike
verdanora, Qılancıke fırdana sona, xeleke sona raste
bınato yena! bınato ser nisena yi bınatora xêle xecelina
peyser şiaane xu vira kena wuza manena. Nuh niadanoke
qılancıkera xevere çina, nafaek Gorgoçine verdanora,
Gorgoçine xêle waxt werte nikuno peyser yena Gemiye; Eke
yena nikliya xora ju pera Jotun, lıngone xorak kevze têy
ana, nisane huk xaze vıliya, nae sero Gorgoçıne bene
têyrare Bımbareke. Nuh nae sero famkenoke xeleşiye,
vejiye sareraştiye; Nuh, guleke a gemiyedere keno top
cıra vano! Seweta na tengiyera roze yäk diroj, Roze
bijime. Nae sero eve pêra xu di roj roze cenê. roza
hireyine ambarde çı Nametke mendê yi nametora hore germ
pozenê, hatawo perozek roze cene, fıtera xu eve a Germa
nameto kenê ra, nak zoninake werte homeda Tolıvide eve
Germa desodı nameto yena naskerdene,na pêecu tae cawok
kerde Germa imamo...! Haq’re sıkır kenê, eve mınetoke
zuminre niaz benê, nae sero eve zere weşiye weşiya hu
ramene.
Nêyk ita biamera zoke, Homeda Toliv, Germake Nuh Nebira
menda xore kerdo tore, eve qeyde dey her sere hesave
Hicri’ra gore 8,9 asme muarrem’de di roj roze cerino,
10’e asma muarrem’dek Rozşeniya xu kene “firaz(tür.kutlamak)”.
Roza Rozşeni, nametora germ pozene, eke pêsê cıranora
kene vıla, can-cıran sone gormaxıya zumin, riye na
Dına’de seweta ramıtena weşiya İson’i zuminre eve
mınetone xêro niaz benê
Ali KILINÇ
